Главная » 2021 » Mart » 29 » Aýdym bolsa duýgularym
16:13

Aýdym bolsa duýgularym

AÝDYM BOLSA DUÝGULARYM

Aýdym bolsa duýgularym,
Hyýallarym güýmemese.
Çekip bilsem boşy ýaly
Yşkly ýüregmiň suratyn.
Onsoň ýene düşsem ýoda,
Ürküzmese ömrüň saly.

Kän zady islemändim-ä...
Ýaşamakdan gözläp many.
Görsene...
Kindiwanja umytlarym,
Ynamyma baglanymy.
Ynjyk göwnüm...
Ýazykly, kineli göwnüm,
Hyýal bilen allanymy.

Buýr-bulaşyk aýdym heňni,
Geçirjek bolamda nota,
Dünýämi baglan duýgulam,
Ýüregmiň zaryn sesini,
Diňdirip bilmändi ýogsa.

Soragly garap düýnüme,
Jogap tapmadym ertäme.
Daşlaşyp barýan kä zatdan,
Ýa ýakyn ýaly kä zada...

Aýdym bolsa duýgularym,
Ürküzmese ömrüň saly.
Yşkly ýüregmiň syratyn,
Çekip bilsem boşy ýaly.

Bilbil KAKABAÝEWA.
Goşgular
Категория: Goşgular | Просмотров: 476 | Добавил: Zyýada | Теги: Bilbil Kakabaýewa | Рейтинг: 0.0/0
Awtoryň başga makalalary

Goşgular bölümiň başga makalalary


Teswirleriň ählisi: 2
0
1 Jumjume  
571
"Aýdym bolsa duýgularym,
Hyýallarym güýmemese.
Çekip bilsem boşy ýaly
Yşkly ýüregmiň suratyn.
Onsoň ýene düşsem ýoda,
Ürküzmese ömrüň saly. "

boşy-bolşy bolmalydyr-la,şu söz iki ýerde-de ýalñyş gidipdir.
Bilbil,duýgular mydama aýdym bolubermeýä-dä. Ylham diýen närse şeýle bir natuwan zat weli,eliñi ýetirseñ pytrap gidäýjek,ýetirmeseñem eýe bolup bolanok. Diñe onuñ özi gelip halyñdan habar alaryna garaşaýmasañ...Ony çagyrmak ün täsirlenmek gerek,sözden,sazdan,aýdymdan,durmuşdan...täsirlenmek gerek elbetde.
Goşgyñy haladym,üstünlikler!

0
2 Zyýada  
579
Köp sag bol,Meňli bellikleriň üçin.

Teswiri diňe saýta agza bolan ulanjylar goşup bilýär.
[ Agza bol | Saýta gir ]