Biçäre halkym

BIÇÄRE HALKYM

Sizi gurşap dur gurşun deý gije,
Sizi gujaklap ogşap dur ölüm,
«göýä bir adam soňky deminde eňek atyp dur boşadyp alkym»
Biçäre halkym.

Teniňizi tenip seneleň kiri,
Beýniňize ornap reňbe-reň iriň,
Tozly nykap bilen gapylan garak,
Şapaklanmaýar,
Saçmaýar ýalkym,
Biçäre halkym.

Sizi deñemändim hiç bir beýige,
Söýgi bilen deňdir diýipdim bir bad,
Güýjüňizi tupanlara taýlaman,
—«millionlarça gomdur deňizde gaýnap»
Diýerdim,
Eý dat,
Görkezsenäň maňa ýekeje tolkun,
Biçäre halkym.

Diýerdim “Türkmenim meň arka dagym,
Togtamaz hiç haçan ili göroglynyň,
Pyragydan tälim alan perzentdir,
Bagtyýardyr belentdir!”
Indi eý sen kör bagt,
Garantga durkuň,
Biçäre halkym.

Mazaryňa gan sagyp dur meň agy:m,
Görogly bol,
Çyk mazardan,
Sen galkyn,
Sen galkyn,
Biçäre halkym.

Ybrahim B. 1986