Bolaýjak geñ zatlar

BOLAÝJAK GEÑ ZATLAR

Edebi ýañsylama

"Gel, söhbet edeli agzymyz ýumup".
B.Gökleñow

Gözümizi ýumup göreli kino,
Agzymyzy ýumup aýdym aýdaly.
Elimizi dañyp ýüzeli suwda,
Derýañ añyrsyna baryp gaýdaly.

Ylgaşaly aýagmyzy duşaklap,
Işdämizi kesip, iýeli owkat.

Zowladaly öýkenmizi aýyryp,
Gowzadaly gapyrgalañ arasyn.
Ýüregmizi aýryp goşgy ýazaly,
Okan halamasyn ýa-da halasyn.

Parhy näme,
Çyksa bolýa ýazanmyz.
Bizem poeziýadan galmarys çetde.
Agzymyzy ýumup söhbet ederis,
Redaktor gözün ýumup gol çekse...

Atamyrat ATABAÝEW.