Eje

EJE

Arzuwa gaplanan akyl-huşumuň,
Bir demde baryna urdular penje.
Pellehana ýeten algyr guşumuň,
Büdredip aýagyn döwdüler eje.

Ýüzüme ýylgyrýan duşmanlarymyň,
Ah-u agylarma ini üşendi.
Bagrym girýan eden puşmanlarymyň
Göwnüni awlamaz öwgüler eje

Aldawçy salgymlaň yzynda selpäp,
Surnugan göwrämi saçlarym  ýelpäp,
Tebsirän dodaklar bilenok gepläp,
Gulagma eşdilýär hüwdüler eje.

Gussaň howuryna umydym güllän,
Sabrym kiçelsede deşgi deý iňňäň,
Didäme seredip ahmyrly gülýän,
Bagt ýolumy bürän görgüler eje.

* * *

Aýralygyn ajy ýeli,
Gapymyzy çaldy gitdi.
Şum aýralyk ykbalymdan,
Seni menden aldy gitdi.

Ýaňy körän yşkymyzam,
Tamasyny üzmän otyr.
Gülläsi gelýän erikdim,
Gunçalarmy ýitirdim ir.

Ürküzülen bagt guşum,
Uçmak üçin tapmady güýç
Bukja diýip ýygnan goşum
Açylmady, gapymyz hiç

Bir ýylgyryp bakmadyk bagt,
Arzuwlarma siňip gitdi.
Ýaralarma em eden wagt,
Tamam tala daňyp gitdi...

Bagtygül TEKÄÝEWA.