Garlawaç

GARLAWAÇ

Ganatyňda ýaşyl öller parlasyn
Gel, garlawaç!
Süýji-süýji saýra-da,
Sesiň eşden zemin ýüzün durlasyn
Ýer ýüzüne göklük bolup ýaýra-da!

Ýalaňaç çybyklaň egri biline
Gel-de, gon sen!
Pyntyk bolup hatarlan!
Sen geleňde ählije zat ýigdelýär,
Sen baharyň ýaşyl ruhy göterlen.

Gök ýaýlada nagra dartyp bulutlar
Daga çalyp ýyldyrymdan hanjaryn,
Garpyşsynlar,
monjuklaryn üzsünler,
Endireşip aýnasynda penjiräň.

Gel, garlawaç!
Dola meni ýaşlygma.
Intizar ýüregim bolsun höwürtgäň.
Kak suwundan däl-de,
ýaz duýgusyndan,
Ak takyrda mežnun bolsam owurtlap,
Bahar bolup gel sen jahan içire,
Öýden-öýe şatlyk bolup syçyra!

Ýazjuma AGAGELDIÝEW.