Главная » 2021 » Noýabr » 1 » Hanjar
21:51

Hanjar

HANJAR

Hanjar sowgat beren barmyka gyza,
Belki, bardyr, belki, ýokdur - biljek däl.
Bir gyzyñ öñünde çöksem-de dyza,
Oña dil ýarmaga hötde geljek däl.

Näçe gezek duşup sözleşjek boldum,
Her gezegem dilim diýen etmedi.
Dilimi çeýnedim, saçymy ýoldum,
Şonda-da bir söze güýjüm ýetmedi.

Miweli agaçda dömen gül ýaly,
Wagty geler, hökman gülüp çykar ol.
Bolmasa-da boýnum boljak gyl ýaly,
Günleriñ bir gün-ä dilden sypar ol.

Bilýän men ol sözüñ oda saljagny,
Garşy bolsa,
Sowuk sözüñ deregne;
Iñ gowusy, sowgat beren hanjarmy,
Alaga-da, ursun meniñ ýüregme.

Sapar ÖRÄÝEW.
Goşgular
Категория: Goşgular | Просмотров: 383 | Добавил: Haweran | Теги: Sapar Öräýew | Рейтинг: 4.0/1
Awtoryň başga makalalary

Goşgular bölümiň başga makalalary


Teswirleriň ählisi: 3
0
1 Елена_Прекрасная  
462
Eý sen dost deýin görünen duşman,
Eý sen, güli-hanjar, göwheri-hanjar,
Ynsan nähak ýarag göterýän bolsa,
Dolanyp-dolanyp özüne sanjar.

0
2 mango  
651
Hanjar sowgat beren barmyka gyza,
Belki, bardyr, belki, ýokdur - biljek däl.

sapar öre kaka gyza hanjar sowgat berenini başga gizlän bolupdyr “aý, bilemok belki berendirler, belki beren däldirler” diýip.
Goşgyň soňunda welin belli bolýar gyza hanjar bereni…
Özüne “ýok” diýiljegini bilip hanjar beren ýaly.
Gyza özüni öldürdip, onuň ömrüni zaýalajagyndan habary ýokmyka?

Iñ gowusy, sowgat beren hanjarmy,
Alaga-da, ursun meniñ ýüregme.

Hemem, belli bir ýaşdan soň, belli bir temalardan uzagyrak durulsa gowam ýaly.

0
3 mango  
651
Mekdep okuwçylaram mekdebiň diwaryna içinden hanjar geçen (ok geçen) ýüregiň suratyny çekip aşagyndan “Ö+A=ýürek suraty” diýip ýazardylar….

Teswiri diňe saýta agza bolan ulanjylar goşup bilýär.
[ Agza bol | Saýta gir ]