«He» harpy

«HE» HARPY

Wysaly dilber etsem, ne ola reja güstah,
Eder hemişe umydy, kerem geda güstah.

Hyýaly şowk lebi ile bu juýy eşkimden,
Ol serwi kamata akmakda majara güstah.

Bolup o Ýusuby gülçihräniň hyrydary,
Nagty jan-u dilim boldy, ki kembaha güstah.

Merizi pyrgaty jangähi bolaly dilzar,
Ol hazegi dil-u jandan dilär dowa güstah.

Sowal ederseň eger haly pür melalyndan,
Wesim biedep eýlär saňa dogaýy güstah.
_______________________________
Reja güstah — arsyz, edepsiz umyt.
Majara — gowga, söweş.
Gülçihre — ýüz, ýaňak, keşp.
Merizi pyrgat — aýralykdan kesellän.
Jangäh bolmak — kösenmek, dert çekmek.
Hazeg — ökde; tejribeli.
Dowa — derman, em.
Haly pür melal —hal-ýagdaýy gussadan dolan.