KÜÝSEGIM
Käte seni seýle göresim gelip,
Gijeler garaýan aýly asmana,
Gara gözleriňi ýadyma salyp,
Ýyldyzlaram gussa goşya gussama.
Kalbymyň töründe gyzyl köz deýin
Lowlap ýanýan yşkyň hasraty näme
Takdyrma ýazlan agyr synagmy,
Sütemin çekdirýäň haýsy günäme.
Öwrümine sorag berip ykbalyň,
Yzlap ýollar aşsam, käte azaşsam,
Ýatlamazlyk başartmaz hiç ynsana,
Eger söýüp, çyn ýürekden halaşsaň!
Sagbol saňa gaýbana söýgiň üçin,
Bu duýgyny ýüregime salanňa,
Söýgiňden durmuşa ymtylşym artyryp
Güyç berýänsiň, ylham atly galama.
Hiç ahmyr etmerin seni söýenme,
Sende ýazyk ýokdur muňa düşünýän,
Ýüregme edip bilmedim höküm,
Seni söýüp, günäkär özüm Dünýäm.
Gurbanmämmet MEREDOW.
0
