Men seni ýigrenýän

Men özümi ýigrenýän
Seni söýenim üçin.

Hawa-da, kysmaty Ykbal kesgitleýän bolmaly-da. Ynamyň terse öwrülmesi Pelek işi bolsa gerek. Elden geljek zat ýok. Beýle Ynam synma ynsanyýet takdyrynda arkama-arka, nesilme-nesil gaýtalanyp gelýän närse. Gara kysmatyň gara kesewisiniň agyrysyny her him öz başyna degende bilýär. Goşgynyň çeperçiligi o diýen sagdyn bolmasa-da, şygryň mazmunynda ahmyrdan ýüki ýetik şahsyň otly ýüreginiň howry duýulýar.

Goşga gowşak ýa halamadym diýjek däl. Her kimiň kalbyndan çykan owazy-Allanyň ýaz diýip ýazdyran zady ýöne bolýan däldir.
Emma ýalaňaç duýgulary beýan edip, oňa pikir, azajyk paýhasdan lybas geýdirmän orta çykarsaň ýaňky aýdyşyňyz ýaly aýyp bolar. Ýa bolmazmy? Bilmedim. Häzirki durşunda goşgy gaty gozeilginç ahmyr, öýke, birazajyk sögünç bolup dur.
Awtora üstünlik dileýän!

Agzalaryñ aýdanlary dogry. Adam häsiýetinde belli bir çäkli durgunlyk bolmaýşy yaly, poeziyada-da üýtgewsiz göni ugur ýok bolsa gerek. Atalarymyz "bir iş etlek bolsañ gaharyñ ýatansoñ et" diyyar. Goşgyda, elbetde, gowuşgynsyzlyk bisýar. Özüm-ä şygryñ mazmunyna syn etdim. Şahyr uýamyz muny ahmyr-puşmanyñ emri bilen, bir zarbada ýazan şekilli. Gödek sozler şygyrýetiñ ganym duşmany. Şeýle-de bolsa, awtoryñ içki sarsgynynam göz öñünde tutmak gerek. Poeziya ynsanyñ dert-azaryny paylaşÿan syrdaşy. Şygryñ mazmunyny men-ä haladym
hem-de uyamyzyñ ökünjine gaty gynandym. Meniñ pikirimçe awtor gamly mazmunyñ hatyrasyna çepercilik derejäni soñky orunlara geciripdir. Hawa, yokarky teswirlerde tygtalşy yaly, şygyryete her adamyñ tapawutly garayşy bar. Ýokarky şygyrda hasrat harasady Garagum ýaýlasyndaky ýaly tozan turzup aylanyar. Ol tupan okyjynyñ, ylayta-da, şo hilli biwepalyk derdine duçar bolanlaryñ kalbyny aldym-berdime salyar. Meniñ üçin-ä goşgynyñ görki dal-de, durky-özeni tasirli bolupdyr.

***uÿamyz