Mersiýe

Andalybyň ýiten Oguz hatyna matam mersiýesi

Bir asmany bela inip nahandan
Ýuwutdy ol düri - gymmat bahany.

Dirilikde zerur ol bize jandan
Oguz öwladynyñ ruhy-rowany.

Eger-çe Nuh ýaşyn berdi owaly
Täki bermiş bu gün bady-hazany.

Ki bizge ança ýyl durganyň uly
Bela sançgan ermiş tiri-kazany.

Ony ret eýlemek emri-mahaly
Mähw olmaz diýdi onuň ýazgany.

Birew ret kylmaga bolsa mejaly
Kim ol merdud hem iliň azgany.

Ýaşyň üç müňden aşyp törtge mindi
Bu ýaşda çekmediň renji-yzany.

Oguz öwladyndan aýryldyň indi
Ki bizlerge goýup matam-kazany.

Seni asmany ajdarha ýuwutdy
Sen ol Ýunus, girip tutduň mekany.

Jemalyňdan jahan köňlün sowutdy
Men oldum Andalyp waspyñ ýazgany.

Andalybyň Oguznama poemasynyň 12-nji bölümi.