21:50 Näbelli gahrymana | |
Ukrain çölünde, ýapyň üstünde Ak şelpeli derek ygşyldap otyr. Gan öýülen gara toprak astynda Türkmen esgeriniň mazary ýatyr. Gök çüýşe dek dury asuda asman, Derek-da baş egýär gubura sary. Enaýy şelpeler owazyn kesmän, Hüwdüleýär ýalňyz ýatan mazary. Türkmen enesiniň jan-jigirbendi, Ukraina üçin ganyn döküpdir. Tebigatam sylap batyr perzendi, Üstünde solmajak güller ekipdir. Goňur gullakjanyň ýyldyzy indi Mazaryň başynda saçyp dur ýalkym. Armanly ölse-de gerçek perzendi, Adyny aýdyma öwürdi halkym. Aýdym bolsa ömürbaky ölmeýär, Aýdym adamlaryň göwün syrdaşy. Ol esgeriň adyn adam bilmeýär, Emma ol adamlaň baky gardaşy. Ukrain çölünde, ýapyň üstünde Ak şelpeli derek ygşyldap otyr. Gana ýuwlan gara toprak astynda Türkmen esgeriniň mazary ýatyr. Ata ATAJANOW. | |
|
√ Eýledi ýar meni dert ile awara, medet... / Goşgular - 12.01.2025 |
√ Şaglawuk / Goşgular - 02.01.2025 |
√ Rubagylar / Goşgular - 10.01.2025 |
√ Ýaraly ýüregiň owazy / Goşgular - 22.01.2025 |
√ Lolular / Goşgular - 08.01.2025 |
√ Oňşuksyz öý / Goşgular - 12.01.2025 |
√ "Ýene-de daň atdy..." / Goşgular - 01.01.2025 |
√ Bir dem ol dilber jemalyndan yrak olmak ne güýç... / Goşgular - 01.01.2025 |
√ Meýdan güli / Goşgular - 30.01.2025 |
√ Dünýä maňa aşyk bolsun! / Goşgular - 07.01.2025 |
Teswirleriň ählisi: 0 | |