Owadan tans edýär...

OWADAN TANS EDÝÄR...

Owadan tans edýär görmegeý zenan,
Toý. Märeke. Gara penjekli aşyk.
Wales owadan saz çalynýar diskde.
Ajaýyp saz, saza görä hereketler,
Bu gijäniň Aýy gözel,
dolan Aýdyr tegelekdir.
Aýlawlar. Ak guwlar mynasyp jübüt.
Myhmanlaň içinde psiholog ýigit.
Toý ýok,
Märeke ýok,
Aşyk ýok asla,
Diňe psiholog bar seredýän hassa...

...Toý güni ýaryny ýitiren Jemal,
Özüçe tans edýär görmegeý zenan.

Kerwenaly HUDAÝNAZAROW.