OWGAN DAGLARYNDA GALAN OGLANLAR
Her dem hakydada, her dem ýürekde,
Owgan daglarynda galan oglanlar.
Wah, juda alysda, Juda uzakda,
Owgan daglarynda galan oglanlar.
Başlaryny belent tutup gitdiler,
Arzuw bilen alys ile ýetdiler,
Söweşdiler, arman bilen ötdüler,
Owgan daglarynda galan oglanlar.
Ýaşlygna gitdiler, ötdüler juwan,
Daglaryň içini tutdu-da duman,
Ýowuz darkaşdylar dilemän aman,
Owgan daglarynda galan oglanlar.
Hindiguş daglarnyň geçitlerinde,
Uçutlary agzym uçukladanda,
Şansyz bolsalar-da, şehitdir onda,
Owgan daglarynda galan oglanlar.
Aldanyp gitdiler ýat ile sary,
Pyragyň döwründe gidilşi ýaly,
Mämmetsapa ýaly, Çowdur han ýaly,
Owgan daglarynda galan oglanlar.
Sylapberdi MUHAMOW.
0
