20:37 Pazyryk halysy | |
|
Türkmeniň buýsanjy, taryh salamy, Pazyryk halysy — oguzlaň şany! Bitewi mukamdyr peder kelamy, Pazyryk halysy — oguzlaň şany! Ýigrimi dört gerçek — oguz ärleri, Bürgüt ýaly ganat açýar şirleri, Sugunlary — hatarynyň nerleri, Pazyryk halysy — oguzlaň şany! Goraglady ony Altaý daglary, Gyzyl düşeginde bahar çaglary, Sekizburç ýyldyzy göwnüm çaglady, Pazyryk halysy — oguzlaň şany! Oguz hanyň ündewidir nesline, Hemme haýran kemalyna, kesbine, Jebisligiň güýji siňen keşbine, Pazyryk halysy — oguzlaň şany! Şaýadydyr ýigrim alty asyryň, Şonda-da juwan ol, açanok syryn, Çyn sungatyň baky heýkelin görüň, Pazyryk halysy — oguzlaň şany! Rahmanberdi GÖKLEŇOW, Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň aspiranty. | |
|
| |
| √ Ýar laglyň arzuwlar men, jana bereý sen şypa... / Goşgular - 06.01.2025 | |
| √ Aramyzdan gidenleri ýatlalyñ! / Goşgular - 12.01.2025 | |
| √ Men bir ýola... / Goşgular - 12.01.2025 | |
| √ Ýa Biribar / Goşgular - 30.01.2025 | |
| √ Rubagylar / Goşgular - 10.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Ýaraly ýüregiň owazy / Goşgular - 22.01.2025 | |
| √ "Ýene-de daň atdy..." / Goşgular - 01.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| √ Şaglawuk / Goşgular - 02.01.2025 | |
| Teswirleriň ählisi: 0 | |