Sen hem bahar

SEN HEM BAHAR

1

Bahar geldi
agaçlar täze lybas
geýnip öñküsinden gözelleşer has!

2

Bahar geldi
doñup ýatan çeşmeler,
seniñ täsin zülpüñ kimin çöşlener!

3

Bahar geldi
gözleñ öñküden nurly,
olar meni telbe etmekçi borly!

4

Bahar geldi
ýañaklaryñ ot deý - al,
öpsem, dodagymy ýakmagy ahmal!

5

Bahar geldi
uçsam diýýär gaşlaryñ,
goşlarly içine garlawaçlaryñ!

6

Bahar geldi
dodaklaryñ ýylgyrýar,
diýjek sözün diýip bilmän, ýygşyrýar.

7

Bahar geldi
beýle gelmändi heniz,
bahar saña, ýa sen bahara keniz!

8

Bahar geldi
dumanladyp serimi,
sen şol öñki gyzmy, ýa-da perimi?!

9

Bahar geldi
dörjäp ýüregmiñ törün,
oña yşk nahalyn oturdyp ýörün!

Hemra ŞIROW.