Главная » 2023 » Mart » 2 » Sen meniň çagalygymy gördüňmi?
00:19

Sen meniň çagalygymy gördüňmi?

SEN MENIÑ ÇAGALYGYMY GÖRDÜÑMI?

"Sen meniň çagalygymy gördüňmi?"
Maýkl Jekson

Sen meniň çagalygymy gördüňmi?
Gamsyzdym!
Kebelek kowalardym aryk boýunda.
Gülkahkahdym,
Güller gül açardy her gülenimde.
Çopantelpekler bilen tans ederdim,
Olardan başyma täç edinerdim.
Gije ýyldyzlar ýagaýjak bolar,
Gelip ýanyma gonaýjak olar.
Uklardym ýyldyzlar bilen,
Düýşümde Atamyň ertekileri...
Jora bolardym Akpamyk bilen,
Ejekejan bilen.

Sen meniň çagalygymy gördüňmi?
Bir gün güneş batdy,
Soňam dogmady.
Çopantelpekleri guratdy gyşlar,
Aryklar gurady, kebelekler öldi,
Ýerine geldi baýguşlar!
Ýyldyzlar asmandan öýkelediler,
Görünmediler!
Ýöne birje ýyldyz bardy,
Süýündi!
Megerem...
Ýitirdim!
Sen meniň çagalygymy gördüňmi?

Aýsapar EMELOWA.
Goşgular
Категория: Goşgular | Просмотров: 398 | Добавил: ssaparay | Теги: Aýsapar Emelowa | Рейтинг: 5.0/2
Awtoryň başga makalalary

Goşgular bölümiň başga makalalary


Teswirleriň ählisi: 4
0
1 sylapberdimuhamov  
1428
Bir zad-a ýetenok?!

0
2 sylapberdimuhamov  
1428
Bir gowy akgynly, emma soñky notalar. Kebelekler ölensoñlar.
Bir zat gerek.

0
3 sylapberdimuhamov  
1428
Elbetde biriniñ köñlünden çykan sözlere bir zat diýmegem birhili. Emma garaşan zadyñ çykmasa-da bolanok.

0
4 Garayolly25  
1449
Dogrudan-da, ýeke ýyldyz nämekä? Ol tämiz çaga kalbynyň tebigat bilen arassa birleşmesiniň simwoly bolsa gerek. Ýyllaryň üznüksiz geçmesine gurban bolan çagalyk yhlasy sowuk garaýyşlar bilen garyşyp, tebigata-tebigy gözellige bolan fanatik höwesini ýitirýär. Gowy goşgy. Ýöne Aýsapar uýamyzyň bu goşgusy onuň döredijilik stilinden biraz çete çykypdyr. Beýle haly oňlap bolmasa gerek. Stil - bu, elbetde, şahyryň aýratyn keşbini görkezýän alamatdyr.

Teswiri diňe saýta agza bolan ulanjylar goşup bilýär.
[ Agza bol | Saýta gir ]