Serçäniñ mesnewisi

SERÇÄNIÑ MESNEWISI

Öz bagynda bigam ýören serçe men.
Bilbillere nesip etsin ter çemen.

Göge uçsa görüp bolmaz dürbüde,
Gara daglar halal bolsun bürgüde.

Ak gary torç edip ýören gargalar
Gezibersin, olara-da gargama.

Perleriniñ gyzyl-ýaşyl, mawusyn,
Synlap, görkün dileg etme tawusyñ.

Her ganatly öz ýerine laýykdyr,
Başgalara meñzän bolmak ýazykdyr.

Iñ azyndan gülki borsuñ äleme,
Sen özüñden, özlügiñden nalama.

Ýene-de diýersiñ düýnki serçe sen,
Maña jik-jik öwredýärmiñ ýer çeken?!

Sylapberdi MUHAMOW.

25.01.2023.