Söýgi modasy

SÖÝGI MODASY

Edebi ýañsylama

Senden ozal duýdy ony derekler...
N.Annatyýewa

Jüp yzymyz bozulypdyr, astynda ak derekleriñ.
A.Gurbannepesow

Uzyn derek durmy ýalñyz?!
T.Söhbetow

Dereklermiz orun berip astyndan,
Ilkinji posany gözden gizlärler.
S.Öwezberdiýew

Aşyklary ne günlere salyp ýör,
Soñky döwür moda bolan ak derek!
Ak dereksiz kösenilýän ýeri kän,
Gyssagly suratda köpeltmek gerek.

Kyrka golaý aşyk-magşuk bolsa-da
Ýekeje düýp deregmiz bar obada.
Her kim medeniýetli söýüşmek üçin,
Jübüt-jübüt bolup
Durlar nobata.

Biziñ ýagdaýymyz-a ganymat weli,
Gaty ýaman goñşy obañ oñşugy.
Dereksiz ýerlerde zaýalap ýörler
Nebir posalary, nebir ogşugy.

Baýram AMANGYLYJOW.

"Edebiýat we sungat" gazeti, 1978 ý.