Söz

SÖZ

Oglanlar, ölüm hakynda azrak ýazyň! Söz gaty güýçlüdir. Sözüň ýazylany ýakyna getirmäge-de güýji ýetýändir.
B.Pasternak

Diriligiň diregi
Duzdan seresap boluň.
Ýyladyň bir-biregi,
Buzdan seresap boluň.

Ýaprak bolup dökülýän,
Güýzden seresap boluň.
Sandyraklap epilýän,
Dyzdan seresap boluň.

Alaçsyz oka gelýän,
Gazdan seresap boluň.
Kalbyň lerzana salýan,
Sazdan seresap boluň.

Yşk oduna ýansaňyz,
Gözden seresap boluň.
Ölüm hakda ýazsaňyz,
Sözden seresap boluň.

Gylyçmyrat KAKABAÝEW.