"Şykga-şykga bilezzik"

"ŞYKGA-ŞYKGA BILEZZLIK"

Gurbanjemal Annakowa

Bu gün suw perisi çykdy derýadan,
Dür syçyrap bizem şonda ezildik.
Gül üstüne nur çaýylyp çar ýandan,
Owaz gelýär "Şykga-şykga" bilezzik,
Goşarlarda çakmak çakýar bilezzik.

Ak kagyzlar Arşdan inýär guş kibi,
Ganatyndan harp dökülýär, hezillik,
Süýji pursat pyşyrdaýar "Gözellik"
Dünýä bakýar: "Şykga-şykga bilezzik!"

Pegas bu gün neçüýn gijä galypdyr -
Bu menziller däl-ä bir gün gezimlik,
Gözlerinde lowurdaýar şalyklar,
Gözbaş akýar ençe-ençe gazallyk,
Nagma çogýar: "Şykga-şykga bilezzik"

Ýaşyl köýnek... ýap boýunda derekmi?!
Señ tañsyña guwanyplar bezeldik.
Tomus joşýar - salkyn günler gerekmi -
Gurban aýy dünýä inen gözellik!
Dünýä diýýär: "Şykga-şykga bilezzik!"

30.06.2023 ý.

© Oguljemal ÇARYÝEWA.