Ugrukdyrma

UGRUKDYRMA

"Gözden salma ýegenini,
Söýjek bolsaň doganyňy".
Awtordan.

Asmanda awlady guşy,
Gyssanyp oň gonaryna.
Sowgat etdi erkek dogan,
Eltip, aýal doganyna.

Sargady hem gaýta-gaýta:
"Gowuryp, täk özüň iýgin!
Ýüzüň-gözüň açylanny,
Göreli biz, görsün il-gün".

Istedi oň delje etden,
Şähtiniň sagalaryna.
Eti ene höwes bilen,
Iýdirdi çagalaryna.

Balasynda bolýanlygyn,
Bar şähtiniň açarynyň,
Aňman, aňtady dogany,
Göwünjigin naçarynyň.

Daýy, dogan, aňla muny:
Ünse salman, ýegeniniz,
Gowy görüp bilmersiniz,
Bir emmeden emeniniz.

2024 ý.