Главная » 2021 » Awgust » 28 » Ýalan!
11:22

Ýalan!

ÝALAN!

Asgyl sözme gulak,
Gurma özüňe duzak,
Açgyn araňy uzak,
Ýalan!

Asyp ýüze perdäňi,
Oýlamansyň ertäňi,
Saňa şu uýat dämi?!
Ýalan!

Haýyrdan geçip şerdiň,
Äht edip, wada berdiň,
Pendiňden ýüz öwürdiň,
Ýalan!

Şirin söz bilen ýakdyň,
Aglap, kä gülüp bakdyň,
Gözden ýaş bolup akdyň,
Ýalan!

Akyp ynsan ganynda,
Häzir bolup ýanynda,
Ýaşap yörsüň aňynda,
Ýalan!

Bilbili bolup dilleň,
Damjasyndan kän silleň,
Sen arasynda illeň,
Ýalan!

Girme meniň dünýäme,
Aldamagy ündäýme,
Ýalançybir öýdäýme,
Ýalan!

Gurbanmämmet MEREDOW.
Goşgular
Категория: Goşgular | Просмотров: 427 | Добавил: Zehin | Теги: Gurbanmämmet Meredow | Рейтинг: 5.0/1
Awtoryň başga makalalary

Goşgular bölümiň başga makalalary

√ Ýa Biribar / Goşgular - 30.01.2025
√ Men bir ýola... / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ "Ýene-de daň atdy..." / Goşgular - 01.01.2025
√ Dünýä maňa aşyk bolsun! / Goşgular - 07.01.2025
√ Oňşuksyz öý / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Lolular / Goşgular - 08.01.2025

Teswirleriň ählisi: 5
1
1 Hаwеrаn  
245
Perde geýilýärmi?
"Eträñimi" ýa "ertäñi"?
"Haýyrdan geçip şerdiñ" diýen setirde-de nätakyklyk bar.
Ant "içipmi" ýa "edip"? haýsam bolsa birini düşürmeli eken.
"Ant" diýjek bolsañ-a "edibi" aýyrmaly (sebäbi ant edilmeýär, äht edilýär), ýok, "andyñy" üýtgetjek bolsañam" içmegi" aýyr.
"Akyp ynsan ganyna,
Häzir bolup ýanynda,
Ýaşap ýörsüñ añynda..."
- diýeñde, soñky "ganyna" sözüne sazlajak bolsañ-a, "ýanynda", "añynda" sözlerindäki "d" harpyny düşürmeli bolýañ. Bu bolsa goşgynyñ manysynyñ yzygiderligini öñküdenem beter döwýär. "Ganyna" sözüne "d" goşsañ az-owlak berjek bolýan pikiriñe golaýlaşmagy ahmal.
Umuman, goşgy entek çig, pikirler yrga. Bat bilen aýdylan sözleriñ hakykatdygyna özüñ ynanýan bolsañ (özem başgany, başga pikiri ýalançylykda aýyplap), garşyñdakyny şübhelendirmese bolar-la, ol nämüçin sizi "ýalançydyr öýtmeli"? (Hakykat-çyn munuñ niresinde?)

-1
2 Zehin  
889
Meni bagyşlaň meni bagyşlaň howlukmaçlyk bilen harp ýalňyşlygy gidipdir. Bagyşlaň!...

0
3 Zehin  
889
Maslahatyn üçin sagbol!

0
4 sabyrly  
908
2-nji bendi erbedem däl eken.

Awtor,

"Çekip ýüze perdäňi"
- diýse,näder?

Soňam, 6-njy bentde:
"Bilbili bolup dilleň"
-diýende:
"Dili bolup bilbilleň" diýjek boldumy-ka?

0
5 Aksary  
876
Pendiňden ýüz öwürdiň,
Ýalan!

Ýalan näme pent edipdi?

Goşgy erbet däl ýöne şol setir pikirlendirdi!

Teswiri diňe saýta agza bolan ulanjylar goşup bilýär.
[ Agza bol | Saýta gir ]