Главная » 2021 » Noýabr » 15 » Yşk
17:51

Yşk

YŞK

Ir zamanlar, ir zamanlar
Bikbañdan öñ,
gök, zeminiñ ÿok wagtynda,
köñül, beÿniñ ÿok wagtynda,
hiç bir tañryñ ÿok wagtynda,
Ÿok zamany adam ady,
Howenäniñ dogulmagna milÿon asyr …
Asyr näme, ÿyllar näme!?
Dogulmanka zaman guşy,
ölçermänkä zaman ody,
Ezel ÿokka,
ebedilik kartinasy boÿalmanka, ol ap-akka …
………………………..
Seni gördüm!
Şo bir demde aşyk boldum.
Yşky duÿdum.
Bir salymda señ gözleriñ gözgüsinde "men”i tapdym.
Şonda birden bir uly ses "yşk perÿady!”
Perÿat içre söz göründi, saz eşidildi,
Sözler galkdy şygyr boldy,
saz tolkunyp bagyr boldy.
Gan döredi, san döredi,
toprakdan endam döredi.
Sen dörediñ, men döredim.
Söÿgüden jahan döredi,
Jahanda ynsan döredi,
ynsanda zyban döredi.

Ir zamanlar, ir zamanlar
Bikbañdan öñ,
Giñişligiñ ÿok wagtynda,
söÿgiñ, yşkyñ ÿok watynda,
nuruñ, reñkiñ ÿok wagtynda,
tün, garañkyñ ÿok wagtynda
señ gözleriñ aÿnasynda güÿz göründi,
gyş döredi.
Ÿürek girip gursagyma
ÿürek boşap gursagymdan,
yşk döredi,
yşk döredi.

Ybrahym B. 2021
Goşgular
Категория: Goşgular | Просмотров: 450 | Добавил: ibrahimbadakhshan | Теги: Ybraýym Badahşan | Рейтинг: 4.4/7
Awtoryň başga makalalary

Goşgular bölümiň başga makalalary

√ Ýar laglyň arzuwlar men, jana bereý sen şypa... / Goşgular - 06.01.2025
√ Aramyzdan gidenleri ýatlalyñ! / Goşgular - 12.01.2025
√ Ýagşy niýetler / Goşgular - 08.01.2025
√ Ýaraly ýüregiň owazy / Goşgular - 22.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Men bir ýola... / Goşgular - 12.01.2025
√ Oňşuksyz öý / Goşgular - 12.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Ýa Biribar / Goşgular - 30.01.2025
√ Meýdan güli / Goşgular - 30.01.2025

Teswirleriň ählisi: 2
0
1 sabyrly  
908
Goşgyny okap, ilki bilen ateist adamyň hudaýyň bardygyna göz ýetirip, Onuň - Alladygyna ynanyp, Oňa aşyk boluşy aklyma geldi, ýöne beýle däl ýaly, sebäbi goşgyda "Seni gördüm" diýýär, bu bolsa dinimize ters gelýän bolmaly.
Hemme zatdan öň yşkyň döremegi ajaýyp kartina, ýöne "hemme zadyň" içine Allany goşup bilmeris. "Ezelden öň", "taňry ýokka", "How enäniň dogulmagy" ýaly ýerlerinde awtor ýalňyşýan bolmasa, hakykat-a däl.
"Şygyrýete dini aralaşdyrma" diýjekler bar bolsa, meni bagyşlaň, ýöne, şygyrýetde ýalana ýer ýok diýesim gelýär, elbet-de, dinimizde bolşy ýaly.
Galanam her kimiň öz pikiri, awtora-da döredijiliginde üstünlik!

0
2 mango  
651
beýle goşgudan soň näme aýtjak?
ybraýym dädäň fantaziýasyndan yşkyň döreýşiniň bir wersiýasy.
Bikbañy (Big Bang / Большой взрыв) başda, soňda şeýle hem ortada-da agzaýar.
ortaky bölümde "Şonda birden bir uly ses "yşk perÿady!” - diýip ol uly ýarylmany yşkyň perýady hökmünde suratlandyrýar. gyzykly....
ol ýarylmanyň içinden sazyň eşdilmegi, sözleriň şygra öwrülmegi, sazyň bagyr boluşy, ganyň döremegi, toprakdan endam döremegi... garaz, owadan bir fantaziýa...
---
"hiç bir tañryñ ÿok wagtynda"
taňryly ýeri ünsüňi çekýär. ýöne ybraýymyň bu ýerdäki taňrysyny Ýaradan diýip hasaplamalam däl ýaly.
adamlar özlerine taňry edegen bolýar. wezipe söýmek - bu-da özüňe taňry edinmek bolýar, wezipäni taňry edinýäň.
döwleti taňry edinmek, mal-mülki taňry edinmek... umuman sanasaň sogaby kän bu taňrylaryň. şahyr bu taňrylaryň gürrüňini eden bolmly.
---
"ap-ak, boýalmadyk ebedilik kartinasy" - üýtgeşik deňeşdirme. haladym.
gowy goşgy, şeýle hem jedel turuzjak goşgy...
umuman, ruhlar äleminde başlanan yşkyň gürrüňi (meniň pikirimçe)...
---
goşgy täzeje eken (2021).
minnetdar.
paýlaşyp duruň.

Teswiri diňe saýta agza bolan ulanjylar goşup bilýär.
[ Agza bol | Saýta gir ]