11:06 Kürenim | |
KÜRENIM
Başy bulutlara dirän dagym sen, Şatlansam şatlygmy guçan, Kürenim. Ilki gözüm açyp gören dagym sen, Gamlansam göwnümi açan, Kürenim. Etegi sonarlyk, dumanly seri, Çeşmeleriñ bardyr gözýaşdan dury, Çarwalaryñ saýlan ýazlag ýerleri, Sagyña-soluña göçen Kürenim. Ähli ýerde eşdilýändir sarsgyny, Çal umgalañ, aýraklaryñ mesgeni, Aran kişi gelibersin gös-göni, Myhmanyna gujak açan, Kürenim. Gök daraýy arça bilen basyrlan, Gatlarynda ýatyr mukaddes syrlar, Nalasyny diñläp ençe asyrlañ Müñ ýanyp, müñ gezek öçen, Kürenim. Küren dagym Balkan bilen sepleşip, Otyr göýä geçirýän dek gepleşik, Dereleriñ, jülgeleriñ üýtgeşik, Müşki-anbar ysyn saçan, Kürenim. Hajyly ŞAMÄMMEDOW. | |
|
√ "Bagşylara" / Goşgular - 07.02.2024 |
√ Göreş / Goşgular - 11.02.2024 |
√ Gökdepäm / Goşgular - 22.03.2024 |
√ Soltan / Goşgular - 27.03.2024 |
√ Suwdan ot çykaran goşgy / Goşgular - 31.01.2024 |
√ Salam, Türkmenistan! / Goşgular - 01.01.2024 |
√ Победителям / Goşgular - 29.02.2024 |
√ Atsyz goşgy / Goşgular - 31.01.2024 |
√ Düýşgowuran / Goşgular - 08.04.2024 |
√ Tilki bilen üzüm / basnýa / Goşgular - 10.01.2024 |
Teswirleriň ählisi: 0 | |