14:32 Ylham | |
YLHAM
Uzak terk eýlediñ kalbym öýüni, Ýollana-ýollana gelsene, ylham. Gözlerim dokunsyn görüp boýuñy, Dillene-dillene gelsene, ylham. Ser göterlip huzyryñda galaýyn, Bir pursatlyk däli-porhan bolaýyn. Setirlere elwan nagyş salaýyn, Göllene-göllene gelsene, ylham. Garşylaýyn gadam üste gülbüräp, Bulut astyndan çykan aý dek ýalbyrap, Aşygyña seýkin basyp sülmüräp, Tellene-tellene gelsene, ylham. Gujagyma sygsyn bir asman-zemin, Seni getirmäniñ tapmadym çemin, Burnuna ýel düşen esrik ner kimin, Ýellene-ýellene gelsene, ylham. Agtaryplar sähralara gideýin, Gudratyñ alnyma togap edeýin, Edaly hoş surat bedew at kimin, Sallana-sallana gelsene, ylham. Hajyly ŞAMÄMMEDOW. | |
|
√ Käbir aýallara melek diýýäñiz / Goşgular - 04.02.2024 |
√ "Garrap ýörünmi ýa men..." / Goşgular - 01.01.2024 |
√ Sowuk söz / Goşgular - 31.01.2024 |
√ "Gitdim senden ilerledip ümzügi..." / Goşgular - 01.01.2024 |
√ Gökdepäm / Goşgular - 22.03.2024 |
√ Moskwadan görýärler / Goşgular - 30.01.2024 |
√ Tilki bilen üzüm / basnýa / Goşgular - 10.01.2024 |
√ Garaş maňa / Goşgular - 17.02.2024 |
√ «Отвергнув гордое сомненье…» / Goşgular - 29.02.2024 |
√ Alla dälmidir / Goşgular - 16.05.2024 |
Teswirleriň ählisi: 0 | |