Alynyñ ala meýdany

ALYNYÑ ALA MEÝDANY

Ýa seniñdir, ýa meniñdir!
Görogly

Seniñmidir, meniñmidir
Alynyñ ala meýdany?
Döwüşmäge ýeriñmidir
Alynyñ ala meýdany?

Hak sözleri gördüñ metal,
Ýüregiñde müñ hile-al,
Gözlär mertlik, islär halal
Alynyñ ala meýdany.

Gedemligiñ ýok peýany,
Namartlygyñ kän zyýany,
Peseldýändir bihaýany
Alynyñ ala meýdany.

Bogazyñy ýyrta-ýyrta,
Galp şöhrat diýp ýorta-ýorta,
Çyk göreşseñ - ynha orta,
Alynyñ ala meýdany.

Ýagmyr PIRGULYÝEW.