Arzuw

ARZUW

Watan sözi mukaddesdir dillerde,
Täç edilýär başa, aýda, ýyllarda.
Hak türkmeni goýup haýsy bir derde,
Eziz diýaryndan aýra salmasyn.

Daglygyn, baglygyn, gumlugyn söýýän,
Söýdükçe göwnümiň şatlygyn duýýan.
Bagtly men, Watanmyň duzuny iýýän,
Has köpelsin ryzky, hiç egsilmesin.

Özgeriş, ösüşler türkmen ilinde,
Arşa galsyn, ösen ýurtlar deňinde.
Eşretli, sapaly döwranly günde,
Guşlar owaz etsin, güller solmasyn.

Watanda kän şalar öten, bir giden,
Tapawudy bolan oläň bir-birden.
Bugdaýyň deregne mekge iýdiren,
Hruşýewli günler indi gelmesin.

Adamzada berlen gysga ömürde,
Millilik ýitmesin her bir ugurda.
Bagtly ýaşaýyşly her bir döwürde,
Dutardyr – gyjakly toý azalmasyn.

2009 ý.