Главная » 2022 » Sentýabr » 26 » Aýralyk goşgusy
17:07

Aýralyk goşgusy

AÝRALYK GOŞGUSY

Ugruñda däli dek gezenim üçin,
Aşygyñy, bir görmäge gelip git.
Özlügim ýat edip söýenim üçin,
Ýalbarýaryn, bir görmäge gelip git.

Hemişe añymda edýärsiñ seýran,
Bu agyr hasratdan, ýüregim weýran,
Yşk ajysyn hergiz datdyrman jeýran,
Hassa halym, bir görmäge gelip git.

Ýitirip serimi, akyl-huşumy,
Gözüm baglangydyr, bilmen duşumy,
Iñ bolman uklamda nurlap düýşümi,
Hyýallarda, bir görmäge gelip git.

Öwrülsem, agaçda sargalan ýaprak,
Öwrülsem, şorlaşan ak-gara toprak,
Umyt edýän, üstüm depeläp köpräk,
Ahu-zaryñ, bir görmäge gelip git.

Aýdaýyn tilimde garratman sözüm,
Intizar bakyp dur, nemlenen gözüm,
Päk duýgy jebrine berip sen dözüm,
Hasratymy, bir görmäge gelip git.

Şirnazar TAGANOW.
Goşgular
Категория: Goşgular | Просмотров: 442 | Добавил: Ichki_dunyam_officiall | Теги: Şirnazar Taganow | Рейтинг: 5.0/1
Awtoryň başga makalalary

Goşgular bölümiň başga makalalary

√ Aramyzdan gidenleri ýatlalyñ! / Goşgular - 12.01.2025
√ Ýagşy niýetler / Goşgular - 08.01.2025
√ Ýaraly ýüregiň owazy / Goşgular - 22.01.2025
√ Eýledi ýar meni dert ile awara, medet... / Goşgular - 12.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Ýa Biribar / Goşgular - 30.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ "Ýene-de daň atdy..." / Goşgular - 01.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Hatty benewşe, haddy läle, zülpi reýhandyr... / Goşgular - 12.01.2025

Teswirleriň ählisi: 2
0
1 mango  
651
o gelmese, sen oňa gitmeli.
bu mesele aňsad-a.
oň çün goşgy goşup kösenip oturmalam dä-ha.

0
2 Haweran  
411
Awtorlyga geçirenimizde gowy goşgulara garaşypdyk. Tamamyz çykmady.
Çakymça Şirnazar heniz ýaş bolmaly, entek öñde külterlenmeli nijeme menziller, ýollar bar. Ýadawsyz zähmet, irmän-arman okamak ony arzyly sepgide, döredijilikde arzuwlaýan derejesine ýetirip biler.
Goşgularyna edilen bellikler barada aýdanda bolsa, Halyl Kulyny, Italmaz Nuryýewi, Gurbannazar Ezizowy, Atajan Annaberdini... bir bedew at kimin göz öñüne getiriñ, olaryñ çapjak aýlawyna heniz birem ýaşamadyk taýçanagy goşsak we atlar ula gidende, taýçanak görgüliniñ böwrüne depibersek olaryñ yzyndan ýetirjek bolup, pellehana gelýänçä maýrylyp galar (belki, ýüzüne urlanyndan, belki-de, daljygyp, ýarpy ýola ýetmän hatardan galar), şol maýryklygyna-da gider ömürboýy.
Şonuñ ü.nem birinjiden-ä her kesden ýokarky ady agzalan şahyrlar ýaly şahyra garaşmaly däl, ikinjiden, belki-de, olardanam gowy şahyrlarymyz ösüp ýetişmegi mümkin biziñ bilmedik ýaş össürimlerimiziñ arasyndan.
Elbetde, tankydy bellikleri etmeli. Emma her zadyñ öz ugry bar. Her awtoryñ derejesine görä, düşünjesine, düşünşine, sowadyna görä etmeli (Aýnap, diliñi çeýnäp, bazzyk-buzzyk edip oturmagyñ-a asla geregi ýok). Tankyt oldur ki, edilende, hem awuşatsyn, hem ýarañy gaşan ýaly keýp bersin (Şu goşga edilen birinji teswir-ä bellik-de däl, ýañsy). Ýaş awtorlaryñ göwnüni sowatmalyñ, öñ çemçeläp ýygnaýas döredijilige gyzykjak ýaşlarymyzy şu taýyk.

Teswiri diňe saýta agza bolan ulanjylar goşup bilýär.
[ Agza bol | Saýta gir ]