Dost

DOST

Rahym Esenowa

Bilýän, bu gün seniñ boýnuñ burlandyr,
Ýalñyz çagyñ gyýylansyñ azajyk.
Uly aýlawlarda ýüze urlandyr,
Bir bu dünýä gelmändig-ä azaşyp.

Öñde uruş bardy ýalmanyp häli,
Hoşa çöpläp,
bozlup,
çaşmalydyk biz.
Gyzarikindiniñ ýalmany ýaly,
Sypjyk adamlara duşmalydyk biz.

Kötellerden geçmelidik gyýylman
Hem ile bildirmän,
ah, başlar ýaşdy.
Kemlik saýardyk biz gezsek söýülmän,
Şükür, ýaýla giñdi,
mañlaýmyz daşdy.

Oña zyñlan kesek galdyrman yzyn,
Atylyp-atylyp zyñana gaýtdy.
Hol gün aý astynda meñ söýen gyzym,
Bilseñ, ýeriñ-gögüñ aýdymyn aýtdy!

Kaýyl bolduk doýsak arpa-gylçykdan,
Bagt diledik hatda betpäle, dostum.
Ölsem barlañ: ýüregimden kül çykmaz,
Diñe ýanyp duran ot galar, dostum.

Şükür et, ýürekler heniz-ä çepde,
Ýerin üýtgedenok, çekişýär des-deñ
A saçlar agarýar, gyrawlap çekge,
Biz ol hakda soñ,
ýene bir gün,
soñ...

Baýram JÜTDIÝEW.