Gül tohumy

GÜL TOHUMY

Ukrain şahyry Aleksandr Şugaýyñ gyzy Miroslawa maña gül tohumyny sowgat berdi.

Miroslawa.
Ýyldyz gözli, eýjejik,
Gül tohumy boldy seniñ sowgadyñ.
Güli söýseñ, aýdym döredip bolýar,
Söýmeseñem...
Dogduñ näme, dogmadyñ.

Bilmedim, nireden kelläñe geldi,
Maña beýle sowgat etmek, naşy gyz.
Ýaşajykkañ duýup bilseñ gülleri,
Soñam oña golaý bolsañ, ýagşy gyz.

Sure baganañ reñkin alan saçlaryñ,
Sypaladym.
Birden gozgalañ tapdym.
Aýamdaky dokmädeje däneler,
Bu topraga oklanmaly ynsapdy.

Olar parlap galar, säherler derlär,
Gyzlar gül derini çalarmyş ýüze.
Saçymyzy menzillerde agardyp,
Çagañ genisine ýetmek ýok bize.

Miroslawa.
Ýyldyz gözli, eýjejik,
Gül tohumy boldy seniñ sowgadyñ.
Güli söýseñ, aýdym döredip bolýar,
Söýmeseñem...
Dogduñ näme, dogmadyñ.

Baýram JÜTDIÝEW.