Главная » 2021 » Mart » 12 » Duralgada
09:21

Duralgada

DURALGADA

Günüň şöhlesini boýnuma orap,
Säher bilen işe barýan keýpiçag.
Duralga. Adamlar göwnüme ýarap,
Mähir, söýgi... gussalarma goýdy çäk.

Deň uçdum bagdaky serçeler bilen,
Ýüregimem guş dilinde saýrady.
Tanyş bolmasam-da ençe ýer bilen,
Bu barlyk gözüme juda aýrydy.

Joşsam gerek şygyr, aýdym-heňe çen,
Sebäp kän buluda boýuň deňläre.
Ýaşap ýörseň bagtyň bilen deňeçer,
Ýeri, şondan gaýry islärsiň näme ?!

Gözelligi sorup howa ýerine,
Duýdum gyşyň deminde-de ýaz baryn.
Galamy batyryp Gün şöhlesine,
Asmanyň ýaňagna goşgy ýazýaryn.

Ýazmak gerek ylham gursaga dolsa,
Joşgunyň senden öň hiç kimse görmez.
Duralga hemem men.
Hyýallam bolsa
Meni nirelerde uçuryp ýörler.

Goçmyrat ORAZBERDIÝEW.
Goşgular
Категория: Goşgular | Просмотров: 536 | Добавил: Edebiyatcy | Теги: Goçmyrat Orazberdiýew | Рейтинг: 2.5/4
Awtoryň başga makalalary

Goşgular bölümiň başga makalalary

√ Eýledi ýar meni dert ile awara, medet... / Goşgular - 12.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Kowusnama: Bedew edinmek hakynda / Goşgular - 12.01.2025
√ Aramyzdan gidenleri ýatlalyñ! / Goşgular - 12.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Ýagşy niýetler / Goşgular - 08.01.2025
√ Meýdan güli / Goşgular - 30.01.2025
√ Ýa Biribar / Goşgular - 30.01.2025
√ Rubagylar / Goşgular - 10.01.2025

Teswirleriň ählisi: 11
0
1 Edebiyatcy  
15
Rus dilindäki postlardan soň türkmençe bir zatlaram goýaýyn diýdim biggrin

0
2 mango  
651
başyňdan sypaldyň hasaplaý.
berekella.

0
3 mango  
651
Günüň şöhlesini boýnuma orap,
Säher bilen işe barýan keýpiçag.
Duralga. Adamlar göwnüme ýarap,
Mähir, söýgi... gussalarma goýdy çäk.

Goçmyrat kaka.
sen öýden çykaňda "keýpiçag" çykdyňa.
ýolda göwnüňe ýaran zatlar "gussaňa" nädip çäk goýdy?
sen edil häzirä gussasyz çykdyň öýden. haçan seni gussa gaplady?

0
4 mango  
651
Ýaşap ýörseň bagtyň bilen deňeçer,
Ýeri, şondan gaýry islärsiň näme ?!

sazlaşyk büdräýjek ýaly etdi öýdýän (agyr okaldy).

0
5 mango  
651
Ýazmak gerek ylham gursaga dolsa,
Joşgunyň senden öň hiç kimse görmez.
Duralga hemem men.
Hyýallam bolsa
Meni nirelerde uçuryp ýörler.
----
Goçmyradyň awtobusa münýänligi nähili gowy zat.
awtobuslaryňam garaşdyryp gelýänligi ondanam gowy zat.
awtobus gelýänçä ylhamyň gelmegi – oňa ýetesi zat ýok.
Goçmyradyň öz ylhamy bilen uçuşa çykmagy – uly bagt.
13-lik geldi (gelmän geçen),
Goçmyrat patylap ýere düşdi.
ylham – zym-zyýat.
eh, duralga-duralga....

0
6 Edebiyatcy  
15
Men sizi tanajak bolýan welin başardanok mango biggrin
Bellikler üçin köp sag boluň

0
7 Edebiyatcy  
15
Sona agza, sizi tanap.bilmän otyryn biggrin

0
8 Jumjume  
571
"Galamy batyryp Gün şöhlesine,
Asmanyň ýaňagna goşgy ýazýaryn."

0
9 Jumjume  
571
Da:ş bolupdyr

0
10 Jumjume  
571
mango, gussa öñden bardy goşgyñ gahrymanynda. Güneşi,daş- töweregindäkileri görende bolsa keýpiçaglyk geldi we öñden bar bolan gussa çäk goýdy...şeýle düşündim men-ä

0
11 Edebiyatcy  
15
Dogry düşünipsiň jümjüme!

Teswiri diňe saýta agza bolan ulanjylar goşup bilýär.
[ Agza bol | Saýta gir ]