Durmuş we häsiýet

DURMUŞ WE HÄSIÝET

Häsiýeti belli akyma salman,
Aljyrap ýörşüňe öz haýpyň geler.
Durmuş şahmatynda göçümiň bilmän,
Edýän ahmyrlaryň kalbyňa dolar.

Kalbyňa dolarda çaýkar ýüregiň,
Göýä, un harazyň ýaýbaň elegi.
Ädýän ädimleriň ahmyr ýolunda
Bikuwat goýarsyň güýçli bilegi.

Şeýlelikde, ýagşylyga kem garap,
Ýamanlykdan güýç almaga meýliň bor.
Onda durmuş häsiýetin görersiň,
Belent başyň şol tarapa egilýär.

Muňa ejizligem diýip bolmaýar,
Ýöne borsyň mertlikdenem uzakda.
Siňmekdir süňňüne durmuş düzgünniň
Başga gürrüň bormy ýaşaýyş hakda!

Şyhymyrat ABDYLLAÝEW.

2020, iýul.