Hyýal

HYÝAL

Hyýala berildi ýetginjek ýigit,
Arzuw hem goşulup gitdi hyýala.
Başyny ýassyga goýan mahaly
Ýüwrük pikir duş gelmedi zowala.

Saýlady gyzlaryň gowdan~gowsyny,
Bir ajap gözele syn etdi durdy.
Nazaryn aýyryp bilmedi ondan,
Gyzyň mährin öz mährine ýugurdy.

Mylly Täçmyradyň sazyn berip dur
Sary radio elýeterinde.
Hyýal bolsa iň ýokary perdeden
Kuwwat alýar, belki, gerek ýerinde.

Golaýynda ene~ataň söhbeti
Gulagyna çala ilýär uzakdan.
Hyýal bolsa, etjegini edip dur,
Böwet bilmän çägaradan-çyzykdan.

Garaýolly.