Главная » 2023 » Maý » 7 » Eneme
09:53

Eneme

ENEME

Nohurlylarda üzärlige iswent diýilýär.

Mähek dek päk, ýeňil elleriň bilen,
Dogaly, senaly dilleriň bilen,
Saglykda ýaşara illeriň bilen,
Ýene iswent tütetsene, ene jan!

Gelen, geljek bela dep bolsun - diýip,
Nähoşlan keselden sagalsyn - diýip,
Golaý gelmäwersin arwah-jyn - diýip,
Ýene iswent tütetsene, ene jan!

Halala degmesin bahylyň gözi,
Ýürek bulamasyn betpäliň sözi,
Belki bolsun, şolara-da em özi,
Ýene iswent tütetsene, ene jan!

Agzybirlik, rysgal bolsun öýlerde,
Mal-gara dok gezsin dagdyr çöllerde,
Gyz-gelinler senden alsyn görelde,
Ýene iswent tütetsene, ene jan!

Ata-baba danalaryň sargany,
Derman otlaň arasyndan saýlany,
Alkyş aýdyp, doga-dileg et däni,
Ýene iswent tütetsene, ene jan!

2020 ý.
Goşgular
Категория: Goşgular | Просмотров: 336 | Добавил: Haweran | Теги: Geldimyrat Seýidow | Рейтинг: 5.0/1
Awtoryň başga makalalary

Goşgular bölümiň başga makalalary


Teswirleriň ählisi: 1
0
1 sylapberdimuhamov  
1428
Gowy goşgy, esasan hem milli ýörelgelerimiziň mynasyp waspy edilýär.
Awtora ýene-de üstünlikler arzuw etmek bilen, goşguda gabat gelýän käbir säwliklere üns bermegini aýdasym gelýär.
Goşguda ýüzärlik ösümliginiň nohurlarda isbent diýilýändigini ýokarda bellän awtordan minnetdar boldum. Şiwelerimizdäki sözleri ulanmak, gowy zat. Emma goşgynyň soňky bendinde "Alkyş aýdyp, doga-dileg et däni.." setirinde "et däni" sözleri goşgynyň çeperçiligine zeper ýetirýär. Iň azyndan ol söz şahyrana däl. Elbetde, proza eserinde haýsydyr bir gahrymanyň sözleýişinde bu sözi gaýgyrman ulanyp bolar. Emma goşguda däl. Hemem bu sözüň kapyýa üçin alnan ýaly bolup duýulmagy biraz keýpiňi gaçyrýar.
Bu meniň şahsy pikirlerim. Awtoryň dogry düşünmegini isleýan.
Elini sowatman ýazmalydyr.

Teswiri diňe saýta agza bolan ulanjylar goşup bilýär.
[ Agza bol | Saýta gir ]