Главная » 2021 » Mart » 13 » Gar ýagdy...
10:45

Gar ýagdy...

GAR ÝAGDY...

Gar ýagdy, zeminiň süňňi gagşady,
Ýaplandy arçalar birek-birege.
Iki-baka alakjaýan sowugam
Elewredi deşik tapman girere.

Ýuwaşja ädimläp barýan ulaglar,
Gelin ýöreýşini ýatlatdy maňa.
Kirpigine çenli agardy zemin,
Öňkülerden has ir agardy daňam.

Bir däl, gaçdy meger millionjysy,
Gar tozgasy düşdi dünýäň gözüne.
Bir gijede aýan boldy ähli zat,
Dünýäniň niýeti çykdy ýüzüne,
Gar ýagdy...

Goçmyrat ORAZBERDIÝEW.
Goşgular
Категория: Goşgular | Просмотров: 472 | Добавил: Edebiyatcy | Теги: Goçmyrat Orazberdiýew | Рейтинг: 5.0/2
Awtoryň başga makalalary

Goşgular bölümiň başga makalalary


Teswirleriň ählisi: 6
0
1 mango  
651
Iki-baka alakjaýan sowuk elewläp girere deşik gözleýär.
1) sowuk uşäp ýyljak ýer gözleýämi?
2) sowatmadyk ýerim galmasyn diýip girere deşik gözleýämi?
Şu iki wersiýasam kellämde iki-baka elewläp durdy.

0
2 mango  
651
Bir däl, gaçdy meger millionjysy,
Gar tozgasy düşdi dünýäň gözüne.

Tozga bolarda dünýäň gözüne birjesi gaçasy ýokla.
Köp gaçandyr. Meger milýonJYSY däl-de millionYNJYSY-dyr.

0
3 mango  
651
Osoňam, “millionjysy gar tozgasy”-my ýa “millionynjy gar tozgasy”?
—-
Gowja ýerlerini aýtmyjam.
Keýpim ýok.
Gar ýagdy
Keýpime.

0
4 mango  
651
Hawa. Ertir “gün çykdy” diýen goşgysynam paýlaşar.

0
5 Edebiyatcy  
15
Bu goşgy geçen gyşdaky garda ýazylan goşgy biggrin

0
6 Edebiyatcy  
15
Näme üçin utanmaly? Goşgy ýazanym üçinmi? Ýok, bu goşgy geçen garda ýazylan, ýöne düýn gar ýagansoň goýaýdym.

Teswiri diňe saýta agza bolan ulanjylar goşup bilýär.
[ Agza bol | Saýta gir ]