Gara ýere ýüzlenme

GARA ÝERE ÝÜZLENME

Ýagşam, ýamanam arkaňda,
Gündiz bolsun ýa uklaňda.
Ynsan parhyn seljermäge,
Salaýyn hem diýeňok ser,
Eý, gara ýer!

Pespällerem bar üstüňde,
Betpällerem gezýär günde.
Azap çekip göterýänleň,
Kalbyna bir diň salyp gör,
Eý, gara ýer!

Çagalaryn taşlap ýören,
Öz göwnüni hoşlap ýören,
Zalym aýalam göterýäň,
Şu bolanok eger-eger,
Eý, gara ýer!

2022 ý.

***

Dogran çagasyn taşlady gitdi,
Zalym aýal daşbagyr bora çemli.
Garran gaýynlarna galdy uşaklar,
Başlary sag welin, gözleri nemli.

Seri sämän goja ýumrugyn düwýär.
Şol nemli gözlere garanda özün,
Ýazygy bolmazdan ýazykly duýýar.

2020 ý.