Главная » 2021 » Sentýabr » 10 » Garaşýan
12:30

Garaşýan

GARAŞÝAN

"Söýgi isläp peýker gelse gohuma,
Ýüz bermerin garaşaryn ruhuña."
Baýram Akatow.

Gözleriñde keşbim söndi peýda boldy özgesi,
Giñ kanalda balyk bolup gadagandyr ýüzmesi,
Kyndyr maña janymdanam umyt taryn üzmesi,
Umytly men, öñküñ deýin güleriñe garaşýan.

Özge ary perwaz urýar ol eýjejik güllerde,
Indi adym tutulmaz meñ öñ ýañlanan dillerde,
Hatda gördüm özge goly ol näzejik billerde,
Ah, şonda-da gol uzadyp geleriñe garaşýan.

Garaşardym, garaşarnam mundan beýläk hemişe.
Indi hijem güýjüm ýokdur sen tarapa ýörüşe,
Asla teniñ gerekmez señ, golum barmaz şer işe,
Ruhlarmyz birleşse bo:r, ten ölerne garaşýan.

* * *

Melul eden ol bendiwan ýylgyrşyñ,
Görmek üçin hiç hatardan gaýtmandym.
Emma, gelip şol jadyly keşbiñi,
Görenimde, gynanaryn öýtmändim.

Ahmet ARAZOW.
Goşgular
Категория: Goşgular | Просмотров: 443 | Добавил: Ahmet | Теги: Ahmet Arazow | Рейтинг: 2.0/2
Awtoryň başga makalalary

Goşgular bölümiň başga makalalary

√ Dostum, arz et jemalyň, janymyz bolsun fereh... / Goşgular - 04.01.2025
√ Eýledi ýar meni dert ile awara, medet... / Goşgular - 12.01.2025
√ Men bir ýola... / Goşgular - 12.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Kowusnama: Bedew edinmek hakynda / Goşgular - 12.01.2025
√ Lolular / Goşgular - 08.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025

Teswirleriň ählisi: 6
0
1 Atayew  
493
Ahmet, birinji bentdäki Giñ kanalda balyk bolup gadagandyr ýüzmesi diýen setiri näme üçin getirdiň? Kanaly, balygy, gadaganlygy nämä meňzetmek islediň? Şoňa düşünmedim?
Ikinji bendiň 1 we 3 setirlerinde ol sözi gaýtalanýar. Ikinji setirde meň diýen söz bar. Üçünji bendiň üçünji setirinde seň sözüni getiripsiň. Şo sözleriň dördüsinem bogun sanyny doldurmak üçin ulanypsyň. Goşgyny artykmaç sözlerden-ä däl, her bir artykmaç harpdan (sesden) halas etmeli. Meniň bu sananlarym esasan tehniki näsazlyklar. Goşgyň many-mazmuny barada hem jedel edere zat kän. Meselem, üçümji bendiň soňky iki setiri. Şer iş, ruhuň birleşmegi ýaly düşünjelere okyjy hökmünde men nähili düşünjegimi bilmedim.
Bular meniň şahsy pikirlerim. Öz pikirimi ýaşyrman, açyk aýdanym üçin aýyplaşma!
Üstünlik!

0
2 Garayolly1936  
830
Menem goşgynyň ideasyna düşünmedim. Aydylýak bolunýan pikir, her bir detal mazmuna baglanyşykly bolsa ýagşy. Awtoryň öňki goşgylaryny gyzygyp okaýardym.

0
3 Atayew  
493
Ideýasyna men düşündim, bu dünýede aýra düşdüm, o dünýede ruhumyzyň bile bolaryna garaşýan diýýär.

0
4 Aksary  
876
Giñ kanalda balyk bolup gadagandyr ýüzmesi,
Kyndyr maña janymdanam umyt taryn üzmesi,

gyz kanal oglanam balyk. Suw bolmasada balyk ýaşap bilenok,ol suwam indi gadagan edilen bolsa balyk ölmeli bolýa,ýöne ölesi gelenok.

Gowy bolupdyr şu iki setir Ahmet aga üstünlik!

0
5 mango  
651
Giñ kanalda balyk bolup gadagandyr ýüzmesi,

Gadaganlyklar balyklarada baryp ýetdimi?
Öňe ýüzmek - gadagan.
Yza gitmek - gadagan.
Çeňňege düşüp halas bolaýmasaň, başga ýolam ýok ýaly…

0
6 Allanazar  
878
Gözlerinde başga keşp peýda bolan bolsa, elinde, bilinde başga el bar bolsa garasmanyňdan gowsy ýok bolaýmasa...

Teswiri diňe saýta agza bolan ulanjylar goşup bilýär.
[ Agza bol | Saýta gir ]