Ýar

ÝAR

Ýaňaklaryň älemgoşar,
Nepesiň ömre dem goşar,
Gabaklaň gün bolup ýaşar,
Ýar!

Lebleriň şekermi, balmy,
Sözleriň seň bagta salgy,
Eýelediň uşbu kalby,
Ýar!

Ýüregiňde älem jemmi,
Bedeniň behiştmi tenmi,
Goýnuňa gyz gül bitenmi,
Ýar!

Janym alan dideleňmi,
Mähre çoýjak gijelerňi,
Bilsem bolýa idelenmi,
Ýar!

Bir sen, sen diýe öter men,
Ýürek töründen götermen,
Meni päk bagta ýetir sen,
Ýar!

Al güneşem sen deý çoýmaz,
Bu kalbym senasyn goýmaz,
Yşgyňdan wah, ömrüm doýmaz,
Ýar!

Ahmet ARAZOW.