Göwher göwün imana

Oguljemal ÇARYÝEWA

▶ GÖWHER GÖWÜN IMANA

Paýhasdan many tapdym, bir söz geldi zybana,
Söz ülkesine düşüp, tas bolupdym diwana,
Men bir syr ~ okany tap, berme meni bimana,
Güldüm, bilbil isledim okladylar şabaza,
Ýazygymy ýat etsem, öz-özüme bigäne,
Eý, gözel ykbal, duşur, tümüm mahy-tabana.

Bir söwdaýa baş goşup, başym alyp gelen men,
Yşkda agram soramañ, ýelekdenem ýeleñ men,
Bu petiş takdyrymda bäş gün öwsen seleñ men,
Derdime derman tapman, tebip çykan elem men,
Asmanyñda Gün saýsañ, görünmäýin neneñ men,
Ümsüm başymy sokduñ, tükenmejek dawaña.

Umytsyz geçmesin günüm, höwesden guý, janyma,
Her günde bir many bar, tenekar deý janyma,
Ýüregimi boş goýup, yşkym siñdi ganyma,
Köñül ülkesi otyr gözün dikip hanyma,
Zer gadyrym alynsa, hyrydaryñ sanyna,
Şöhlämden çyra ýasar, ýagty küýsän zamana.

Horram bolsañ nama kak, gam laýyny egsewer,
Bir miwe nesip etse, şahasyny egse bor,
Kalbyma ýaman girse, hoş niýetden sübse ber,
Äşgär düwünçegiñde her bir matal düwse syr,
Baýlygyña gyzmadym, ýöne ömre nebsewür,
Sanap günleriñ ýetir, göwher göwün imana.