Hyýal

HYÝAL

Ýere bäsleşmäge het edip bilmen,
Toba-toba ondan
Hudaý saklasyn.
Diñe Ýer haklydyr diýmäge:
- Bir men,
Ynsany eklärin, dowul tapmasyn.

Yrylmaz döwletim ýokdur Ýer ýaly,
Umydyñ haklajak bütin älemiñ.
Ýöne ýardam biýre edip hyýaly,
Ýaşap bor -
Tä togtap galýança demiñ.

Toprak!
Seniñ ogluñ bolamsoñ häli,
Bu sözleri aýdyp bilýärin, belki,
Bütin dünýä ýeter, bozmasam päli,
Gyzgyn ýüregimiñ
Yşk atly mülki.

Kakabaý YLÝASOW.