Iç döksem

IÇ DÖKSEM

Öz-özüñe göwnüñ ýetip kä halat,
- Baham ýokdur - diýip öwünme, kişi.
Gynanýaryn,
Sözüñde ýok adalat,
Bu dogry gepimden alma, teşwüşi

Atanlykda çawuş eştdim bir setir,
Ine, şeýle aýdylany
Iç döksem:
"Saña aşna, mahmal berjek üç metr,
Pylanynyñ kesesinden gol çekseñ".

Hawa, adam, biler bolsañ, çyn bahañ,
Bir haýynlyk,
Hem üç metr mahmaldyr.
Ýalan öýtseñ, durmuş atly ýuwdarhañ,
Ýakasyndan tutmak üçin
Baş galdyr.

• GOWY ADAM

Risky çöpläp günlerden,
Pent görmediñ kimlerden?!
Urlan ýeri ýüzüñe,
Geçdi çak-u-çenlerden.

Galmajak bolup derde,
Sesiñ gapdyñ her ýerde.
Barybir gald-a seniñ
Ýürek-bagryñ heserde.

Ýaman işi çaşyrdyñ,
Ýagşa sanyp aşyrdyñ.
Asyl şeýdip jahanyñ,
Akyl-huşun çaşyrdyñ.

Myrryh tursa dökülip,
Gyra gidýäñ çekilip,
Hakykaty aýtmakdan -
Şo-ol ýörüşiñ çekinip.

Kakabaý YLÝASOW.