Главная » 2021 » Mart » 15 » Indi giç
06:43

Indi giç

INDI GIÇ

Islege görä däl, söýgi oýun däl,
Arzuwlarym sürer ýaly goýun däl,
Bu gün ykbal gözleriňe  boýun  däl,
Ah çekip, alyp möwç  aglamasan-a!

Köňül diwaryňda goýmadyň ötük,
Taşladyň söýgime "Ýok" sözün çitip,
Onsuzam kalbymyň agysy ýetik,
Haýyşym, indi hiç aglamasan-a!

Hany, şol gözleriň sedasyz gülen,
Hany, alçaklygyň şemal deý ýelen,
Gowusy, şol kejir näzleriň bilen,
Mertlikden alda-da güýç, aglamasan-a!

Gözýaşlaryň jiger-bagrym eredýär,
Ýürek ejiz, emma, namys ýöredýär, 
Gör, kalbyma indi özge seredýär,
Bilýäň-ä, indi giç, aglamasan-a!

Ahmet ARAZOW.
Goşgular
Категория: Goşgular | Просмотров: 476 | Добавил: Hаwеrаn | Теги: Ahmet Arazow | Рейтинг: 1.0/1
Awtoryň başga makalalary

Goşgular bölümiň başga makalalary

√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Eýledi ýar meni dert ile awara, medet... / Goşgular - 12.01.2025
√ Ýagşy niýetler / Goşgular - 08.01.2025
√ Ýaraly ýüregiň owazy / Goşgular - 22.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Aramyzdan gidenleri ýatlalyñ! / Goşgular - 12.01.2025

Teswirleriň ählisi: 6
0
1 nurgeldiyewam232  
691
Alda-da diýip bogun sanynam artyk edipsiñiz.Al-da diýjek bolupsyñyz öýdýän.Goşguda ownuk bölekleriñ beýle kän ulanylmagy bimaza etdi.Arzuwlarym sürer ýaly goýun däl.Arzuwlar nirä sürüljek bolduka?Ýok ediljek boldumyka?Ýa üýtgediljek boldumyka?Sürmek sözi geñ eşdildi.Onsoñam "ýelen"sözüni birinji gezek eşitdim.Kyn görmese,awtor düšündiräýsin manysyny.Umuman alanyñda goşgy ortaça.

0
2 Ahmet  
634
Aslynda "Mertlikden al-da" bolmalydy ýalňyş gidipdir.
Ýelmek-ýörtmak, ylgamak.
Tükenmez derdiň yzyndan,
Ýeleýin diýseň, öýlengin. Magtymguly.

0
3 Jumjume  
571
Köňül diwaryňda goýmadyň ötük,
Taşladyň söýgime "Ýok" sözün çitip diýeñde gahryman gyz oglanyñ sözüni kabul etmänligi düşnükli,onda näme üçin gyz ökünip aglaýar?!
Iñ soñky setirlerden görnüşi ýaly, oglan indi maşgalaly. Diýmek gyz oglany ýitirensoñ ony özüniñem söýýänligine düşünipdir. Ýöne gyzyñ ökünenligi has dogrysy haçan ökünip ýetişenligi hakda hiç zat ýok.

0
4 Jumjume  
571
Ýürek ejiz, emma, namys ýöredýär" şu ýerdäki ýöretmek nämeka? "Namys ýöredýär" diýmek bn Ahmet näme diýmek isledikä?

0
5 nurgeldiyewam232  
691
Selbi,sözleriñizden maña ýalñyş düşünenligiñizi añýan.Men tankyda garşy däl.Ýerliksiz we nädogry tankyda garşy.Ol günki goşgudaky liriki meni söýgüsi üçin göreşmeýänligi üçin tankytlapdyñyz.Awtor söýgisi üçin göreşýän dogumly adamyny hem suratlandyryp biler göreşmeýän nalajedeýin adamyny hem.Bu tankytlamaga esas däldir.Meselem,şu goşguda-da oglana "ýok"diýeni üçin soñundan ökünip aglaýan gyz suratlandyrylýar.Biz awtora "Näme üçin ýok diýip soñundan ökünýän gyzy suratlandyrdyñ?"diýip tankyt edip bilmeris.Şahyryñ şol pursatky içki duýgusy oña şeýtmegi maslahat berendir.Düşünensiñiz diýip umyt edýän.

0
6 nurgeldiyewam232  
691
Goşga ortaça diýmegimiñ sebäbi.Men bu awtoryñ has çuñ manyly goşgularyny okapdym şu saýtda.Öñküler ýaly añrybaşy täsir galdyrmady.Bu awtorda has çuñ manyly,pelsepä baý şygyrlary ýazyp biljek potensial görýärin.Şonuñ ûçin ortaça diýdim.

Teswiri diňe saýta agza bolan ulanjylar goşup bilýär.
[ Agza bol | Saýta gir ]