Merdiñ ejiz mertligi

MERDIÑ EJIZ MERTLIGI

Ýanyn ýere berdi edenli bir mert,
Ýok ýolugan dertden aňsat aýňalma.
Azap çekip, hemem azara goýup,
Agyr merde, düşegine duwlanma.

Halyn sorap gelýär ýakyn-u-ýatlar,
Gözün ýumyp açýar “mert bol” aýdana.
Gürlemek asla-da aňsat däl oňa,
Ýylgyryş paýlaýar zordan, gaýdana.

Ýöne bagry girýan aýal dogany,
Kerem bilen bosagadan girende,
Naçarnyň naýynjar gözlerin gözläp,
Owasyn sessizje çygjartdy, bende.

Ýuka ýürekligňem kä gerekligin,
Öwredip, mert artdyrdy öz mertligin.