Muhammet pygamberiñ pähimleri

MUHAMMET PYGAMBERIÑ PÄHIMLERI

1.

"Şu dünýäñ özi, ondaky ähli zatlar ajap hem gymmatly, ýöne bularyñ içinde iñ bir gymmatlysy - mähriban, pähimli zenandyr".

"Gör, ahyry, neneñ ajap bu dünýä!" -
Şeý diýýändir akly ýeten her ynsan.
Jany saga dünýä gözel görünýä,
Hasam akyl-huşuñ alan şol jenan.

Näme diýselerem aýrydyr aýry
Perzentlerne mähir paýlaýan ene.
Eý, sen Tañrym!
Nädip akylyñ ýetdi?!
...Enäni deñeýän, gökdäki güne.

2.

"Ajymtygam bolsa, ýakymsyzam bolsa, mydama hakykaty aýdyñ".

Ýalan söz süýjümtik, gaty ajydyr.
Gizlemek gerek däl, her adam bilýär.
Hakykatam ajy, depäñ täjidir,
Ol ömrüñ kyn wagtam goldawa gelýär.

3.

"Bir zat bölüşseñiz, adalatly boluñ".

Gören, bilen zatlañ barysy galýar -
Ýagşylyk, ýamanlyk, mähirem, iş-güýç...
Bir zat bölüşýäñmi - adalatly bol!
Pygambere ynan - galan zatlar hiç.

Ödek ÖDEKOW.