Bir dem ol dilber jemalyndan yrak olmak ne güýç...

Bir dem ol dilber jemalyndan yrak olmak ne güýç,
Bir nepes jananasyz älemde sag olmak ne güýç.

Gülüstanda gunçanyň ýanynda har olmak ne hoş,
Läle kibi bilbiliň bagrynda dag olmak ne güýç.

Men gedasyny goýmazlar ýüz sürsem dergähine,
Patyşanyň astanynda ýasag olmak ne güýç.

Çeşmi haşm etdikçe jana gamzasy hanjar çeker,
Mest elinde, dostlar, gylyç, pyçak olmak ne güýç.

Gülşeni-husny kenaryn tutdy, Mähri, hatty-ýar,
Bilbiliň täze gülüstanynda zag olmak ne güýç.