Jan-a, ýeter bu janyma jebri-jepalar et...

Jan-a, ýeter bu janyma jebri-jepalar et,
Zejir ise jana anjak ola gel wepalar et.

Muhtallar ile garşy ki oldukça aşygyň,
Sen oýna gel rakyp-le hoş-hoş sapalar et.

Aşyklaryňy bigünä öldürme dostum,
Öldür rakyp kapyry bary gazalar et.

Lutf eýle, kyl alaç, bu gün, eý, tebibi-jan,
Dil hastadyr pyrakyň-le gel dowalar et.

Şirin lebi-le agzyňa sokmuş, eý, Mähri, ýar,
Ömri çoh olsun, el göter imdi dogalar et.