Yşk babyndan meniň-le eýledi ol ýar bäs...

Yşk babyndan meniň-le eýledi ol ýar bäs,
Jan-le berdim jogabyn etmedi tekrar bäs.

Müşgülim hel olmaz idi köşeýi dershanada,
Etmesem husnuň kitabyndan, şah-a, her bar bäs.

Eý, müderris, çünki sen tahsyly-janan etmediň,
Kyl-u kal içre kylyp sen eýleme naçar bäs.

Mushafy-husnuňy zülpüňden sowal etmiş rakyp,
Eýlemek jaýyzmydyr Gurhandan küffar bäs.

Ylmy yşky biz, eý, Mähri, şeýle tahsyl eýledik,
Şimdi her aşyk biziň ile etmäge gorkar bäs.