Eýledi ýar meni dert ile awara, medet...

Eýledi ýar meni dert ile awara, medet,
Ölerem, etmez ise hesret-le çäre, medet.

Öldürerem diýermiş zülpüňe çeşmiň meni ýar,
Berme jellat eline, as meni ol dara, medet.

Çeşmi mestiň ýene nähak ýere gan eýlemesin,
Suçyny bildire katlyn saňa bir para, medet.

Şerbeti laglyň imiş hasta dile, dost, şypa,
Demidir, eýle dowa bu dili-bimara, medet.

Bir nepes kyldy ki, Mähri, bere jan pyrkat ile -
Çykmasyn hesretle, heý, medet ol ýara medet.