Neýledim, nätdim, günähim bilmezem bu men garyp...

Neýledim, nätdim, günähim bilmezem bu men garyp,
Gördüginçe ýüz çöwürer, ýüzüme bakmaz habyp.

Gähi-gähi bir göz ujy-le merheba eýlärdi ýar,
Ýene meňzär ki araýa pitne byrakdy rakyp.

Jan zagyp oldy pyrakyňdan, medet kyl, dostum,
Hasta dil derdine lutf et, gel, alaç et, eý, tebip.

Zülpüňiň çeňňeline urma rakyby haşm edip,
Heý, bu bir kelbi lagyndyr, dak munuň boýnuna ýüp.

Talygyň ýokdur gözellerden, eý, Mähri, çäre ne?
Kysmaty ruzy-ezelde saňa bu olmuş nesip.