"Näme üçin garaldyñ..."

"NÄME ÜÇIN GARALDYÑ..."

Näme üçin garaldyñ,
Eý, gadymky gök meýdan?
"Meni gap-gara etdi
Erk üçin dökülen gan.
Beresteçka diýýärler
Töwerekdäki ile.
Onuñ inidir boýy
Ýetse gerek dört mile.
Zaparožlylar munda
Ýatyrlar maslyk bolup.
Gargalar ýarygije
Toý tutýar üýşüp gelip.
Maslygyn süýji görmän,
Çokýarlar kazak gözün.
Siz erkin boluñ diýip,
Meniñ garaldy ýüzüm.
Ýene-de gök öwserin,
Bolmajaga meñzeş siz
Asyl-ha azat, erkin.
Ýazgyda nälet okap,
Siz meni sürersiñiz
Ekmäge täze ekin..."

Taras ŞEWÇENKO.

Terjime eden: Çary AŞYROW.